تحقیق: پراسیسڈ فوڈز میں موجود سویا بین آئل وزن بڑھانے کا سبب بن سکتا ہے

ایک نئی تحقیق میں بتایا گیا ہے کہ پراسیسڈ خوراک میں پایا جانے والا عام تیل سویا بین آئل جسم میں اس کے پراسیس ہونے کے طریقے کی وجہ سے وزن میں اضافے کا باعث بن سکتا ہے۔

اگرچہ یہ تیل گھریلو کھانوں میں زیادہ استعمال نہیں ہوتا، لیکن سلاد ڈریسنگز، مارجرین اور چپس جیسی پراسیسڈ اشیاء میں عام پایا جاتا ہے۔

 پچھلی تحقیقات میں بھی سویا بین آئل اور وزن بڑھنے کے درمیان تعلق سامنے آ چکا ہے۔

کیلیفورنیا یونیورسٹی، ریورسائیڈ کے محققین کے مطابق مسئلہ تیل میں نہیں بلکہ جسم کے اندر اس کے پراسیس ہونے کے طریقے میں ہے، جو زیادہ مقدار میں استعمال کرنے پر وزن بڑھنے کا سبب بن سکتا ہے۔

پروفیسر فرانسس سلیڈک کا کہنا ہے کہ سویا بین آئل بذات خود مضر نہیں ہے، لیکن اس کا زیادہ استعمال جسم میں ایسے میٹابولک راستے متحرک کر دیتا ہے جن سے جسم نمٹنے کے لیے تیار نہیں ہوتا۔