محکمہ موسمیات کی پیشگوئی: کراچی میں بونداباندی، لاہور میں بارش اور سردی کی نئی لہر

تازہ ترین - 19 دسمبر 2025

محکمہ موسمیات نے کراچی میں آئندہ ایک سے دو دنوں میں بونداباندی اور لاہور سمیت مختلف شہروں میں بارش کی پیشگوئی کی ہے۔

لاہور میں 21 اور 22 دسمبر کو ہلکی بارش متوقع ہے، جس کے سبب شہر میں سردی کی نئی لہر آئے گی۔

کراچی میں اس وقت موسم سرد اور خشک ہے، تاہم محکمہ موسمیات کے مطابق آئندہ دو روز کے دوران موسم جزوی سے مکمل ابرآلود رہنے کے ساتھ بونداباندی متوقع ہے۔

بلوچستان میں مغربی ہواؤں کے داخل ہونے سے کوئٹہ اور دیگر علاقوں میں سرد ہوائیں چلیں گی، جس کے سبب کراچی میں بھی سردی کی شدت بڑھنے کا امکان ہے۔

پی ڈی ایم اے نے اطلاع دی کہ 19 سے 20 دسمبر کے دوران پہاڑی علاقوں میں بارش اور برفباری کا امکان ہے، جس سے ٹریفک متاثر ہو سکتی ہے۔

ماضی کی جھلک