نیتن یاہو فلوریڈا میں صدر ٹرمپ سے ملاقات کے لیے امریکا روانہ

اسرائیلی وزیرِ اعظم بنجمن نیتن یاہو اتوار کو امریکا کے لیے روانہ ہوں گے اور ایک دن بعد فلوریڈا میں امریکی صدر ڈونلڈ ٹرمپ سے ملاقات کریں گے۔ یہ ملاقات رواں سال صدر ٹرمپ کے ساتھ نیتن یاہو کی پانچویں ملاقات ہوگی۔

یہ دورہ ایسے وقت میں ہو رہا ہے جب صدر ٹرمپ اور ان کی انتظامیہ غزہ میں اسرائیل اور حماس کے درمیان دسمبر میں طے پانے والے جنگ بندی کے دوسرے مرحلے پر پیش رفت کے لیے دباؤ ڈال رہے ہیں۔ 

یدیعوت احرونوت کے مطابق ملاقات میں ایران، اسرائیل-شام سیکیورٹی معاہدہ، لبنان میں حزب اللہ کے ساتھ جنگ بندی اور غزہ معاہدے کے آئندہ مراحل سمیت متعدد علاقائی امور زیرِ بحث آئیں گے۔

غزہ جنگ بندی کے دوسرے مرحلے میں اسرائیل کا غزہ سے انخلا، حماس کے بجائے عبوری فلسطینی انتظامیہ کی تشکیل اور بین الاقوامی استحکام فورس کی تعیناتی شامل ہے۔ اس کے علاوہ حماس کی ہتھیار ڈالنے کی شق بھی زیرِ غور ہے، جو اہم تنازعہ بنی ہوئی ہے۔