بارش کے سسٹم کی تاخیر، لاہور اور پنجاب خشک رہیں گے، شمالی علاقوں میں برف باری کا امکان

محکمہ موسمیات نے بتایا ہے کہ بارش لانے والا سسٹم آج کے بجائے سُستی کے باعث 29 دسمبر کو پاکستان میں داخل ہوگا۔ 

لاہور اور پنجاب کے بیشتر علاقوں میں بارش کا امکان نہیں ہے، جبکہ شمالی علاقوں میں بارش اور برف باری متوقع ہے۔

لاہور میں کم سے کم درجہ حرارت 8 ڈگری سینٹی گریڈ اور زیادہ سے زیادہ درجہ حرارت 22 ڈگری سینٹی گریڈ تک رہنے کا امکان ہے۔

بلوچستان میں زیادہ تر علاقے سرد اور خشک موسم کا سامنا کر رہے ہیں۔

 صوبے کے شمالی اضلاع میں شدید سردی رہی، جبکہ ساحلی علاقوں میں آسمان جزوی ابر آلود رہ سکتا ہے۔

محکمہ موسمیات کے مطابق مختلف علاقوں میں کم سے کم درجہ حرارت درج ذیل رہا:

• کوئٹہ: منفی 2°C
•  
• زیارت: منفی 3°C
•  
• ژوب: 3°C
•  
• قلات: 1°C
•  
• سبی: 8°C
•  
• تربت: 12°C
•  
• نوکنڈی: 4°C
•  
• چمن: 3°C
•  
• گوادر: 9°C
•  
• جیوانی: 10°C
•  

لاہور میں خشک موسم کی وجہ سے شہری نزلہ، زکام اور کھانسی جیسی بیماریوں کا شکار ہو رہے ہیں۔

 ماہرین صحت نے شہریوں کو مشورہ دیا ہے کہ وہ ماسک پہنیں اور مدافعت بڑھانے والی غذاؤں کا استعمال کریں۔