اواتار: فائر اینڈ ایش‘ کے بعد جیمز کیمرون نے فرنچائز کے مستقبل کی چھوٹی جھلک دکھا دی

ہالی وُڈ کی کامیاب فلموں میں شامل اواتار کے ہدایتکار جیمز کیمرون نے نئی فلم ’اواتار: فائر اینڈ ایش‘ کی ریلیز کے بعد فرنچائز کے مستقبل پر خاموشی توڑ دی ہے۔

انٹرٹینمنٹ ویکلی سے گفتگو میں 71 سالہ فلم ساز نے کہا کہ وہ اس بات کی تصدیق نہیں کر سکتے کہ یہ کہانی اس فلم کے بعد بھی آگے بڑھے گی یا نہیں۔

 کیمرون نے کہا کہ وہ چاہتے ہیں کہ یہ سلسلہ جاری رہے، لیکن ہر نئی فلم کی تجارتی کامیابی اہم ہے۔

انہوں نے مزید کہا کہ اگر کسی وجہ سے اواتار 4 یا 5 نہ بن سکیں تو وہ مداحوں کو پریس کانفرنس کے ذریعے بتائیں گے کہ کہانی کو کس سمت میں لے جایا جانا تھا۔

 کیمرون نے یہ بھی انکشاف کیا کہ وہ اواتار فلموں کو ناول کی شکل دینے پر غور کر رہے ہیں تاکہ کہانی کے اصل اور مستند ریکارڈ کو محفوظ کیا جا سکے۔

دوسری جانب، ڈیڈلائن کی رپورٹ کے مطابق اواتار: فائر اینڈ ایش نے چھٹیوں کے دوران صرف امریکہ میں 153.6 ملین ڈالرز کمائے اور متعدد باکس آفس ریکارڈ توڑ دیے۔

 عالمی سطح پر فلم ابتدائی ہفتے میں ہی ایک ارب ڈالرز کی جانب تیزی سے بڑھ رہی ہے۔

یہ اواتار سیریز کی تیسری فلم ہے، جو 19 دسمبر 2025 کو دنیا بھر میں ریلیز کی گئی تھی۔