سہیل آفریدی نے پنجاب حکومت کو خط بھیجا، دورے کے دوران نامناسب سلوک پر شدید تحفظات کا اظہار

وزیراعلیٰ خیبرپختونخوا سہیل آفریدی نے پنجاب حکومت کو باضابطہ خط لکھا ہے، جس میں انہوں نے پنجاب کے دورے کے دوران مبینہ پروٹوکول کی خلاف ورزیوں اور نامناسب رویّے پر شدید تحفظات کا اظہار کیا۔

سہیل آفریدی کا کہنا تھا کہ دورے کے دوران سکیورٹی اقدامات غیر ضروری اور حد سے زیادہ تھے، عوامی مقامات کی بندش سے شہریوں کو شدید مشکلات کا سامنا کرنا پڑا اور موٹر وے سروس ایریاز تک رسائی نہ دینا بھی سنگین مسئلہ تھا۔

خط میں وزیراعلیٰ نے سوشل میڈیا پر چلائی جانے والی بدنام کرنے اور منشیات سے جوڑنے کی مہم کی سخت مذمت کی اور کہا کہ ایسے اقدامات بین الصوبائی ہم آہنگی کو نقصان پہنچاتے ہیں۔

 انہوں نے ذمہ داروں کے خلاف کارروائی اور واقعے کی دوبارہ تکرار نہ ہونے کی یقین دہانی کا مطالبہ کیا۔

سہیل آفریدی نے مزید کہا کہ یہ خط مستقبل میں قانونی اور سرکاری کارروائی کے لیے باضابطہ ریکارڈ کے طور پر استعمال ہوگا۔