بنگلا دیش کی سابق وزیراعظم خالدہ ضیا انتقال کر گئیں، پارٹی کی تصدیق

بنگلا دیش کی سابق وزیراعظم اور اپوزیشن جماعت بنگلہ دیش نیشنلسٹ پارٹی (بی این پی) کی سربراہ خالدہ ضیا طویل علالت کے بعد 80 برس کی عمر میں انتقال کر گئیں۔ 

پارٹی ترجمان نے ان کے انتقال کی تصدیق کر دی ہے۔

بنگلادیشی میڈیا رپورٹس کے مطابق خالدہ ضیا جگر کے عارضے میں مبتلا تھیں اور کافی عرصے سے اسپتال میں زیر علاج تھیں۔

 گزشتہ روز ڈاکٹروں نے ان کی حالت کو تشویشناک قرار دیا تھا، جس کے بعد انہیں وینٹی لیٹر اور لائف سپورٹ پر رکھا گیا۔

علاج کرنے والے میڈیکل بورڈ کے رکن ڈاکٹر ضیاء الحق کے مطابق انہیں باقاعدگی سے ڈائیلاسس کی ضرورت تھی، اور جب بھی یہ عمل روکا جاتا تو ان کی صحت میں واضح بگاڑ آجاتا تھا۔

 زیادہ عمر اور متعدد پیچیدہ بیماریوں کے باعث ایک ساتھ تمام امراض کا علاج ممکن نہ رہا۔

واضح رہے کہ خالدہ ضیا 1991 سے 1996 تک بنگلا دیش کی وزیراعظم رہیں، جبکہ ان کے صاحبزادے چند روز قبل بنگلا دیش پہنچے تھے۔