پاکستان کا اسرائیل کی جانب سے صومالی لینڈ کو تسلیم کرنے کا اعلان مسترد

پاکستان نے اسرائیل کی جانب سے صومالی لینڈ کو آزاد ملک تسلیم کرنے کے اعلان کو مسترد کر دیا ہے۔

 اقوام متحدہ کی سلامتی کونسل کے ہنگامی اجلاس میں پاکستان کے مستقل نائب مندوب عثمان جدون نے خطاب کرتے ہوئے کہا کہ پاکستان صومالیہ کی خودمختاری اور علاقائی سالمیت کی مکمل حمایت کرتا ہے۔

عثمان جدون کا کہنا تھا کہ صومالی لینڈ کو تسلیم کرنے کا اسرائیلی اقدام بین الاقوامی قوانین کی کھلی خلاف ورزی ہے۔

 انہوں نے واضح کیا کہ پاکستان فلسطینی عوام کی بے دخلی کی کسی بھی کوشش کو مسترد کرتا ہے اور ایسے اقدامات عالمی قوانین کے منافی ہوں گے۔

پاکستانی مندوب نے زور دیا کہ اسرائیل کے اس فیصلے پر سنجیدگی سے غور کیا جانا چاہیے کیونکہ اس طرح کے اقدامات خطے میں مزید عدم استحکام کا باعث بن سکتے ہیں۔