ترکی میں پولیس اور داعش کے درمیان شدید جھڑپ، 6 دہشت گرد ہلاک، 3 پولیس اہلکار شہید

ترک پولیس اور کالعدم دہشت گرد تنظیم داعش کے درمیان شدید فائرنگ کے تبادلے میں داعش کے 6 ارکان ہلاک جبکہ 3 ترک پولیس افسران شہید ہو گئے۔

ترک وزیر داخلہ کے مطابق سکیورٹی اداروں کو خفیہ اطلاعات موصول ہوئی تھیں کہ داعش سے وابستہ دہشت گرد صوبہ یالووا میں موجود ہیں اور کسی بڑی کارروائی کی منصوبہ بندی کر رہے ہیں۔

 ان اطلاعات کی بنیاد پر پولیس نے علاقے میں سرچ آپریشن شروع کیا، جس دوران دہشت گردوں نے پولیس پر فائرنگ کر دی۔

فائرنگ کے تبادلے کے دوران صورتحال انتہائی کشیدہ ہو گئی، تاہم پولیس کی بروقت اور مؤثر کارروائی کے نتیجے میں تمام دہشت گردوں کو موقع پر ہی ہلاک کر دیا گیا۔

وزیر داخلہ نے شہید پولیس اہلکاروں کو خراجِ عقیدت پیش کرتے ہوئے کہا کہ ترک سکیورٹی فورسز دہشت گردی کے خلاف جنگ میں کسی قسم کی نرمی برداشت نہیں کریں گی اور ملک کی سلامتی کو خطرے میں ڈالنے والوں کو ہر صورت انجام تک پہنچایا جائے گا۔