پاکستان سٹاک ایکسچینج میں تیزی کا رجحان جاری، ہنڈرڈ انڈیکس ایک لاکھ 74 ہزار 805 پوائنٹس پر پہنچ گیا

پاکستان سٹاک ایکسچینج میں مثبت رجحان جاری ہے اور کاروباری ہفتے کے دوسرے روز بھی مارکیٹ میں زبردست تیزی دیکھی گئی۔

 کاروبار کے آغاز پر ہنڈرڈ انڈیکس میں 800 سے زائد پوائنٹس کا اضافہ ہوا اور یہ ایک لاکھ 74 ہزار 805 پوائنٹس کی بلند ترین سطح پر پہنچ گیا۔

اہم شعبوں میں گاڑی ساز کمپنیاں، سیمنٹ، تجارتی بینک، کھاد، تیل و گیس کی تلاش کرنے والی کمپنیاں، آئل مارکیٹنگ کمپنیز، بجلی کی پیداوار اور ریفائنریز میں بھرپور خریداری دیکھی گئی۔ 

ایس ایس جی سی، پی او ایل، پی ایس او، پی پی ایل، اوجی ڈی سی، ماری، ایم ای بی ایل، ایم سی بی، ایس این جی پی ایل اور این بی پی بھی مثبت زون میں رہے۔

گزشتہ کاروباری روز کے اختتام پر ہنڈرڈ انڈیکس 1,495 پوائنٹس کے اضافے کے ساتھ 1,73,896 پوائنٹس پر بند ہوا تھا۔