پشاور کور نے 50ویں چیف آف آرمی اسٹاف پولو اینڈ ٹینٹ پیگنگ چیمپئن شپ 2025 جیت لی

پشاور کور نے شاندار کارکردگی کا مظاہرہ کرتے ہوئے 50ویں چیف آف آرمی اسٹاف پولو اینڈ ٹینٹ پیگنگ چیمپئن شپ 2025 اپنے نام کر لی۔

پاک فوج کے شعبہ تعلقات عامہ (آئی ایس پی آر) کے مطابق چیمپئن شپ کی اختتامی تقریب منعقد ہوئی، جس میں چیف آف آرمی اسٹاف اور چیف آف ڈیفنس فورسز فیلڈ مارشل سید عاصم منیر نے بطور مہمانِ خصوصی شرکت کی۔

آئی ایس پی آر کے مطابق جناح پولو فیلڈز پہنچنے پر کور کمانڈر لاہور اور چیئرمین پاکستان پولو فیڈریشن نے فیلڈ مارشل سید عاصم منیر کا استقبال کیا۔

 تقریب میں وزیر داخلہ، چیف سیکرٹری پنجاب سمیت شائقین کی بڑی تعداد نے شرکت کی۔

پاک فوج کے ترجمان کا کہنا ہے کہ یہ چیمپئن شپ پاک فوج کی کھیلوں سے وابستگی، نظم و ضبط اور پیشہ ورانہ روایات کی عکاسی کرتی ہے۔

 ایونٹ میں مجموعی طور پر 8 ٹیموں نے حصہ لیا، جن میں پشاور کور نے پہلی جبکہ گوجرانوالہ کور نے دوسری پوزیشن حاصل کی۔

اختتام پر مہمانِ خصوصی نے جیتنے والی اور حصہ لینے والی ٹیموں میں انعامات تقسیم کیے۔