پی آئی اے 6 سال بعد اسلام آباد سے لندن کے لیے پروازیں دوبارہ شروع کرے گا

news-banner

کاروبار - 30 دسمبر 2025

قومی ایئر لائن (پی آئی اے) نے اعلان کیا ہے کہ وہ اسلام آباد سے لندن کے لیے ہفتہ وار 4 پروازیں آپریٹ کرے گا۔

 

 ترجمان پی آئی اے کے مطابق لندن کی پروازیں ہیتھرو ایئرپورٹ کے جدید ترین ٹرمینل 4 سے روانہ ہوں گی، اور پہلی پرواز 29 مارچ سے ہوگی۔

 

پی آئی اے کی لندن کے لیے پروازیں 6 سال کے وقفے کے بعد دوبارہ بحال کی جا رہی ہیں۔

 

 ترجمان نے کہا کہ لندن پی آئی اے کا پہلا بین الاقوامی اور انتہائی پرکشش روٹ ہے۔

 

 اس سے قبل، پی آئی اے پہلے ہی مانچسٹر کے لیے ہفتہ وار تین پروازیں آپریٹ کر رہا ہے، جس کا افتتاح وزیر دفاع خواجہ آصف نے اکتوبر 2025 میں کیا تھا۔