یو اے ای نے یمن سے متعلق سعودی بیان پر ردعمل دیتے ہوئے تمام الزامات مسترد کر دیے

متحدہ عرب امارات نے یمن سے متعلق سعودی عرب کے بیان پر مایوسی کا اظہار کرتے ہوئے اس حوالے سے لگائے گئے تمام الزامات مسترد کر دیے ہیں۔

 سعودی عرب نے یو اے ای سے مطالبہ کیا تھا کہ وہ یمن سے اپنی فوج کو 24 گھنٹوں میں واپس بلائے اور کسی بھی فریق کو عسکری یا مالی معاونت بند کرے۔

یو اے ای نے واضح کیا کہ مکلا بندرگاہ پر لنگرانداز جہازوں پر اسلحہ نہیں تھا اور یہ جہاز یمنی گروپ کے لیے نہیں بلکہ اماراتی فورسز کے لیے تھے۔ 

یو اے ای نے زور دیا کہ یمن میں حالیہ پیش رفت کو مزید کشیدہ نہیں ہونے دینا چاہیے اور سعودی اتحادی فورسز کی کارروائی حیران کن تھی۔

عرب میڈیا کے مطابق یمن کی صدارتی کونسل نے یو اے ای کی تمام فورسز کو 24 گھنٹوں کے اندر ملک چھوڑنے کا حکم دیا اور بندرگاہوں و زمینی و بحری گزرگاہوں پر 72 گھنٹوں کے لیے مکمل ناکہ بندی نافذ کر دی۔