جوڈیشل کمیشن کا اجلاس: وفاقی آئینی عدالت اور ہائی کورٹس میں ججز کی تعیناتیوں پر غور

news-banner

پاکستان - 01 جنوری 2026

27ویں آئینی ترمیم کے تحت وفاقی آئینی عدالت، سپریم کورٹ اور ہائی کورٹس میں ججز کی تعیناتی کے فریم ورک پر جوڈیشل کمیشن کا اجلاس طلب کر لیا گیا ہے۔

 

جوڈیشل کمیشن نے مشاورت کے لیے تین نکاتی ایجنڈا جاری کیا ہے۔ اجلاس 12 جنوری کو ڈیڑھ بجے سپریم کورٹ کانفرنس روم میں ہوگا۔

 

 ایجنڈے کے مطابق، 27ویں آئینی ترمیم کے آرٹیکل 175 اے کی شق 4 میں امیدوار ججز کے انٹرویوز کا ذکر کیا گیا ہے، تاہم جوڈیشل کمیشن رولز 2025 میں اس کا طریقہ کار فراہم نہیں کیا گیا۔

 

اجلاس میں وفاقی آئینی عدالت میں مزید ججز کی تعیناتی کے طریقہ کار اور ہائی کورٹس میں آئینی بینچز کے لیے ججز کی نامزدگیوں کے عمل پر بھی غور کیا جائے گا۔