امریکا کی وینزویلا کے قریب روسی آئل ٹینکر پر قبضے کی کوشش، روس نے آبدوز روانہ کر دی

دنیا - 07 جنوری 2026

امریکا نے وینزویلا کے ساحل کے نزدیک روسی پرچم بردار آئل ٹینکر بیلا 1 (Bella 1) کو روکنے کی کوشش کی ہے۔

امریکی میڈیا رپورٹس کے مطابق وینزویلا سے یورپ جانے والے اس روسی تیل بردار جہاز کے خلاف کارروائی جاری ہے۔

میڈیا کے مطابق روس نے اپنے جہاز کے تحفظ کے لیے آبدوز اور دیگر بحری جہاز علاقے کی جانب روانہ کر دیے ہیں۔

دوسری جانب امریکا نے وینزویلا پر دباؤ ڈالا ہے کہ وہ چین، روس، ایران اور کیوبا کے خفیہ ایجنٹس کو ملک سے بے دخل کرے۔

یاد رہے کہ وینزویلا کے صدر نکولس مادورو کی گرفتاری کے بعد امریکی صدر ڈونلڈ ٹرمپ نے دعویٰ کیا تھا کہ وینزویلا کے عبوری حکام امریکا کو 30 سے 50 ملین بیرل تیل فراہم کریں گے۔