بجلی صارفین کیلئے خوشخبری، فی یونٹ 93 پیسے سستی

 نیشنل الیکٹرک پاور ریگولیٹری اتھارٹی (نیپرا) نے فی یونٹ بجلی کی قیمت میں 93 پیسے کمی کا نوٹیفکیشن جاری کر دیا ہے۔

نیپرا کے اعلامیے کے مطابق یہ کمی نومبر کی فیول پرائس ایڈجسٹمنٹ کے تحت کی گئی ہے، اور اس کا اطلاق جنوری کے بجلی کے بلوں میں ہوگا۔

 کراچی سمیت ملک بھر کے صارفین کو ریلیف ملے گا، تاہم لائف لائن صارفین اس میں شامل نہیں ہیں۔

دوسری جانب نیپرا نے یکم جنوری سے فی یونٹ بجلی کی قیمت ایک روپے 79 پیسے بڑھانے کا اعلان بھی کیا ہے، جس کے بعد جنوری 2026 سے فی یونٹ بجلی کا اوسط نرخ 33 روپے 38 پیسے مقرر کیا گیا ہے۔

 یہ فیصلہ وفاقی حکومت کو بھیج دیا گیا ہے اور اطلاق وفاقی منظوری کے بعد ہوگا۔

اس وقت ملک میں نافذالعمل فی یونٹ بجلی کا اوسط بنیادی نرخ 31 روپے 59 پیسے ہے۔