آیت اللہ خامنہ ای: فرعون، نمرود اور رضا شاہ کی طرح ٹرمپ کا بھی انجام ہو گا

ایران کے سپریم لیڈر آیت اللہ علی خامنہ ای نے کہا ہے کہ دنیا پر غرور کرنے والے ایک شخص جو پورے عالمی فیصلے کر رہا ہے کو یہ سمجھنا چاہیے کہ اقتدار کے عروج پر طاقتور حکمرانوں کے ساتھ کیا ہوا، فرعون، نمرود اور رضا شاہ کے ساتھ جو ہوا، وہی ڈونلڈ ٹرمپ کے ساتھ بھی ہو گا۔

سوشل میڈیا پر جاری بیان میں آیت اللہ خامنہ ای نے خبردار کیا کہ غرور میں ڈوبے حکمرانوں کے انجام سے سبق حاصل کرنا ضروری ہے۔

ادھر ایرانی صدر مسعود پزشکیان نے امریکا اور اسرائیل کو ایران میں فسادات کا ذمہ دار قرار دیا۔

 انہوں نے کہا کہ غیر ملکی طاقتیں لوگوں کو ہدایات دے رہی ہیں کہ تخریب کاری کریں، تاہم پرامن احتجاج عوام کا حق ہے اور کسی غیر ملکی کو قوم میں انتشار پھیلانے کی اجازت نہیں دی جائے گی۔

امریکا کے صدر ڈونلڈ ٹرمپ کا کہنا ہے کہ ایران مذاکرات کا خواہاں ہے، ملاقات کا انتظام کیا جا رہا ہے، اور ایران کے خلاف "بہت طاقتور آپشنز" پر غور کیا جا رہا ہے۔