گوگل میپس کی سیٹنگز اسکرین نئے ڈیزائن کے ساتھ متعارف، استعمال مزید آسان

گوگل نے گوگل میپس کی سیٹنگز اسکرین کو نئے اور جدید ڈیزائن کے ساتھ متعارف کرانا شروع کر دیا ہے۔

 یہ نیا لے آؤٹ فی الحال محدود صارفین کے لیے دستیاب ہے اور خاص طور پر پکسل فونز کے بیٹا ورژن میں دیکھا جا رہا ہے۔

نئی سیٹنگز اسکرین کو زیادہ سادہ اور منظم بنایا گیا ہے، جہاں مختلف آپشنز کو سات بڑے حصوں میں تقسیم کیا گیا ہے تاکہ صارفین کو اپنی مطلوبہ سیٹنگ تلاش کرنے میں آسانی ہو۔

 ایک بڑی تبدیلی یہ ہے کہ اب سائن آؤٹ کا بٹن نمایاں جگہ پر موجود ہے، جبکہ پہلے اس کے لیے اسکرول کرنا پڑتا تھا۔

اسی طرح سیٹنگز بند کرنے کے لیے پہلے موجود بیک ایرو کو ہٹا کر اب اوپر دائیں جانب ایکس بٹن شامل کیا گیا ہے۔ 

گوگل نے کچھ آپشنز کو بھی بہتر طریقے سے متعلقہ مینو میں منتقل کیا ہے، اگرچہ اب تک مکمل طور پر میٹیریل تھری ایکسپریسیو ڈیزائن کو شامل نہیں کیا گیا۔