جوڈیشل کمیشن کا بڑا فیصلہ، لاہور ہائی کورٹ کے 11 ایڈیشنل ججز مستقل کر دیے گئے

چیف جسٹس یحییٰ آفریدی کی سربراہی میں اسلام آباد میں ہونے والے جوڈیشل کمیشن کے اجلاس میں لاہور ہائی کورٹ کے 11 ایڈیشنل ججز کو مستقل کرنے کی منظوری دے دی گئی۔

 اجلاس کے دوران ایڈیشنل جج طارق محمود باجوہ کو چھ ماہ کی توسیع دی گئی۔

ذرائع کے مطابق حسن نواز مخدوم، جسٹس ملک وقار حیدر اعوان اور جسٹس سردار اکبر علی سمیت متعدد ججز کے ناموں کی منظوری دی گئی۔

 اس کے علاوہ جسٹس سید احسن رضا، جسٹس ملک جاوید اقبال، جسٹس محمد جواد ظفر اور جسٹس خالد اسحاق کو بھی مستقل جج مقرر کرنے کی منظوری دی گئی۔

اجلاس میں جسٹس ملک محمد اویس خالد، جسٹس چوہدری سلطان محمود، جسٹس تنویر احمد شیخ اور جسٹس عبہر گل کو بھی مستقل کرنے کا فیصلہ کیا گیا۔

تاہم لاہور ہائی کورٹ کے ایڈیشنل جج راجہ غضنفر علی خان کو مستقل کرنے کی منظوری نہیں دی گئی۔