ایپل کا مصنوعی ذہانت کیلئے گوگل جیمینائی کا انتخاب

ٹیکنالوجی کمپنی ایپل نے اپنے آرٹیفیشل انٹیلی جنس فیچرز کے لیے گوگل کے جیمینائی کو منتخب کر لیا ہے۔

 یہ کئی سالوں پر محیط معاہدہ ایپل کی جانب سے متوقع ’’ایپل انٹیلی جنس‘‘ کے اعلان سے قبل طے پایا ہے۔

یہ پیش رفت چیٹ جی پی ٹی بنانے والی کمپنی اوپن اے آئی کے لیے ایک اور دھچکا سمجھی جا رہی ہے، جو اس وقت سری کی صلاحیتوں میں اضافے کے لیے ایپل کے ساتھ شراکت داری میں ہے۔

 مشترکہ بیان میں کہا گیا کہ محتاط تجزیے کے بعد ایپل نے یہ طے کیا کہ گوگل کی اے آئی ٹیکنالوجی ایپل فاؤنڈیشن ماڈلز کے لیے سب سے مضبوط بنیاد فراہم کرتی ہے۔

ایپل کے مطابق ایپل انٹیلی جنس ایپل ڈیوائسز اور پرائیویٹ کلاؤڈ کمپیوٹ پر ہی کام کرتی رہے گی اور صارفین کے ڈیٹا کے تحفظ سے متعلق ایپل کے اعلیٰ پرائیویسی معیارات برقرار رہیں گے۔