جوڈیشل کمیشن نے لاہور ہائی کورٹ کے 11 ایڈیشنل ججز کو مستقل مقرر کرنے کی منظوری دے دی

جوڈیشل کمیشن کے حالیہ اجلاس میں لاہور ہائی کورٹ کے 11 ایڈیشنل ججز کو مستقل جج بنانے کی منظوری دی گئی ہے۔

 ان میں جسٹس حسن نواز مخدوم، جسٹس ملک وقار حیدر اعوان، جسٹس سردار اکبر علی، جسٹس سید احسن رضا، جسٹس ملک جاوید اقبال، جسٹس محمد جواد ظفر، جسٹس خالد اسحاق، جسٹس ملک محمد اویس خالد، جسٹس چوہدری سلطان محمود، جسٹس تنویر احمد شیخ اور جسٹس عبہر گل شامل ہیں۔

اعلامیے کے مطابق ایڈیشنل جج راجہ غضنفر علی خان کو مستقل کرنے کی منظوری نہیں دی گئی، جبکہ ایڈیشنل جج طارق محمود باجوہ کی مدت میں چھ ماہ کی توسیع کی گئی ہے۔

جوڈیشل کمیشن نے ججز کی کارکردگی، عدالتی امور میں مہارت اور پیشہ ورانہ معیار کا جائزہ لینے کے بعد یہ فیصلہ کیا۔

 مستقل ججز کی تعداد مکمل ہونے سے لاہور ہائی کورٹ میں عدالتی امور کی رفتار میں اضافہ اور مقدمات کے بروقت فیصلوں میں بہتری کی توقع ہے۔