محمود خان اچکزئی کو قومی اسمبلی میں قائد حزب اختلاف مقرر کر دیا گیا

 اپوزیشن اتحاد تحریک تحفظ آئین پاکستان کے رہنما محمود خان اچکزئی کو قومی اسمبلی میں قائد حزب اختلاف مقرر کر دیا گیا ہے۔

سپیکر قومی اسمبلی ایاز صادق نے نوٹیفکیشن جاری کرتے ہوئے کہا کہ محمود خان اچکزئی 16 جنوری 2026 سے قومی اسمبلی میں قائد حزب اختلاف ہوں گے، یہ تقرری قومی اسمبلی کے بزنس رولز کے تحت نافذ العمل ہوگی۔

یہ عہدہ 9 مئی کیس میں عمر ایوب خان کی نااہلی کے بعد خالی تھا۔ پشتونخوا ملی عوامی پارٹی کے سربراہ اور تحریک تحفظ آئین پاکستان کے رہنما محمود اچکزئی کو بانی پی ٹی آئی عمران خان نے اپوزیشن لیڈر کے لیے نامزد کیا تھا۔

قومی اسمبلی کے اجلاس میں سپیکر ایاز صادق کی صدارت میں ممبران کی حاضری، وقفہ سوالات، نوٹیفکیشن کی کارروائی اور دیگر امور پر بات چیت ہوئی۔ اجلاس میں درج ذیل بلز پیش کیے گئے:

• پاکستان نرسنگ اینڈ مڈوائفری کونسل آرڈیننس
•  
• ریلوے کی منتقلی ترمیمی آرڈیننس
•  
• قومی ٹیرف کمیشن ترمیمی بل
•  
• برآمدی ترقی فنڈ ترمیمی بل
•  
• ایکسپورٹ امپورٹ بینک آف پاکستان ترمیمی بل 2026
•  
• پاکستان ٹیلی مواصلات تنظیم نو ترمیمی بل
•  
• فیڈرل بورڈ آف انٹرمیڈیٹ اینڈ سیکنڈری ایجوکیشن ترمیمی بل
•  
• متبادل تنازعہ جاتی تصفیہ ترمیمی بل
•  
• علاقہ دارالحکومت اسلام آباد ملکیت و انتظام بل
•  

یہ تمام بلز وزیر قانون اعظم نذیر تارڑ نے پیش کیے۔

مزید برآں، سپیکر نے 32 ارکان کو ایوان میں داخلے سے روک دیا کیونکہ انہوں نے اپنے اثاثہ جات کی تفصیلات الیکشن کمیشن میں جمع نہیں کرائیں۔