مودی حکومت کے ’شائننگ انڈیا‘ کے دعوے عالمی تجزیے میں بے نقاب

امریکی جریدے فارن افیئرز کے تازہ تجزیے میں مودی حکومت کے اس دعوے کو چیلنج کیا گیا ہے کہ بھارت امریکا کا ایک مضبوط اسٹریٹجک ستون ہے۔

 جریدے کے مطابق حالیہ واقعات کے بعد بھارت کی یہ حیثیت کمزور ہوتی دکھائی دے رہی ہے۔

تجزیے میں کہا گیا ہے کہ مئی 2025 کی پاک بھارت جنگ کے بعد واشنگٹن اور نئی دہلی کے تعلقات اپنی تاریخ کے شدید ترین دباؤ کا شکار ہیں۔

 جنگ بندی میں امریکی صدر ڈونلڈ ٹرمپ کے کردار کو پاکستان نے سراہا، جبکہ بھارت نے امریکی ثالثی کو مسترد کیا، جس سے سفارتی کشیدگی میں اضافہ ہوا۔

فارن افیئرز کے مطابق امریکی صدر کی جانب سے پاکستان کی سفارتی اور عسکری کامیابیوں کا اعتراف اور بھارت کے ساتھ تجارتی معاہدے سے انکار و اضافی ٹیرف عائد کرنا بھارت کے لیے سفارتی سبکی کا باعث بنا۔

ماہرین کا کہنا ہے کہ معمولی سفارتی اختلافات پر امریکا سے دوری اختیار کرنا بھارت کی اسٹریٹجک شراکت داری کی ادارہ جاتی کمزوری کو ظاہر کرتا ہے۔

 تجزیہ کاروں کے مطابق ایک طرف امریکی ثالثی کو رد کرنا اور دوسری طرف چین کے مقابلے میں امریکا سے غیر مشروط حمایت کا مطالبہ کرنا واضح تضاد ہے، جبکہ جنوبی ایشیا میں پائیدار استحکام حقیقت