ذیابیطس کے دائمی زخموں کے لیے انقلابی آکسیجن جیل

یونیورسٹی آف کیلیفورنیا، ریورسائیڈ کے محققین نے ایک جدید بیٹری سے چلنے والا آکسیجن جیل تیار کیا ہے جو ذیابیطس کے مریضوں کے دائمی زخموں کو تیزی سے بھرنے میں مدد دے سکتا ہے۔ 

یہ جیل انفیکشن کو کم کرنے کے ساتھ ساتھ ممکنہ طور پر اعضا کی کٹائی سے بچاؤ بھی فراہم کر سکتا ہے۔

یہ جیل مشکل سے بھرنے والے ٹشوز تک مسلسل آکسیجن پہنچاتا ہے، جس سے شفا یابی کا عمل تیز ہو جاتا ہے۔ 

ابتدائی پری کلینیکل مطالعات سے ظاہر ہوا ہے کہ یہ ٹیکنالوجی ان زخموں کے علاج میں ڈاکٹروں کے لیے مؤثر ہتھیار ثابت ہو سکتی ہے جو روایتی طریقوں سے ٹھیک نہیں ہوتے۔

ایسے زخم جو ایک ماہ سے زیادہ کھلے رہیں، دائمی زخم کہلاتے ہیں۔ 

ہر سال تقریباً 1 کروڑ 20 لاکھ افراد ایسے زخموں کا شکار ہوتے ہیں، جن میں سے تقریباً پانچواں حصہ مریضوں کو اعضا کی کٹائی تک پہنچا دیتا ہے۔ 

دائمی زخموں کی ایک بڑی وجہ ٹشوز میں آکسیجن کی کمی ہے۔ 

جب آکسیجن کی سطح کم ہو جاتی ہے تو زخم طویل سوزشی مرحلے میں رہ جاتے ہیں، جس سے بیکٹیریا کی افزائش ہوتی ہے اور ٹشو ٹوٹ پھوٹ کا شکار ہوتا ہے۔ 

یہ نیا آکسیجن جیل اسی بنیادی مسئلے کو ہدف بنا کر جسم کے قدرتی شفا یابی کے عمل کو بحال کرنے کی کوشش کرتا ہے۔

یہ تحقیق سائنسی جریدے نیچر کمیونیکیشنز میں شائع ہوئی ہے۔