عتیقہ اوڈھو کے بیان پر فہد مصطفیٰ کا مزاحیہ ردِعمل

پاکستان کے معروف اداکار اور میزبان فہد مصطفیٰ نے سینئر اداکارہ عتیقہ اوڈھو کے حالیہ بیان پر ردِعمل دیتے ہوئے مزاحیہ انداز میں کہا کہ اگر عتیقہ آپا دو چار مزید سرجریاں کروا لیں تو وہ ان کے ہیرو بن سکتے ہیں۔

اس سے قبل عتیقہ اوڈھو نے ایک نجی ٹی وی پروگرام میں فہد مصطفیٰ کو مشورہ دیا تھا کہ اب انہیں اپنی عمر کی خواتین کے ساتھ کام کرنا چاہیے۔ 

جب میزبان نے سوال کیا کہ کیا وہ کم عمر لڑکیوں کی بات کر رہی ہیں تو عتیقہ اوڈھو نے وضاحت کی کہ ان کا مطلب ہم عمر خواتین سے ہے۔

بعد ازاں فہد مصطفیٰ نے اپنے گیم شو میں اداکار ہمایوں سعید سے مخاطب ہوتے ہوئے کہا کہ انہیں سمجھ نہیں آتا کہ عتیقہ آپا کو آخر ان دونوں سے کیا مسئلہ ہے۔ 

انہوں نے طنزیہ انداز میں کہا کہ شاید وہ تب ہی خوش ہوں گی جب فہد اور ہمایوں دونوں ان کے ساتھ ہیرو کے طور پر نظر آئیں گے۔

مزید بات کرتے ہوئے فہد مصطفیٰ نے ہنستے ہوئے کہا کہ اب تو عتیقہ اوڈھو ہی ان کی واحد ہیروئن رہ گئی ہیں، اور آئندہ وہ ان کے ساتھ ہی کام کریں گے۔