امریکی سینیٹر کی ٹرمپ پر تنقید، ایران پر حملہ غیر قانونی اور غیر آئینی قرار

واشنگٹن: امریکی سینیٹر ایڈورڈ مارکی نے سابق امریکی صدر ڈونلڈ ٹرمپ کی جانب سے ایران پر کیے گئے حملے کو غیر قانونی اور امریکی آئین کے خلاف اقدام قرار دیا ہے۔

انہوں نے کہا کہ یہ کارروائی کانگریس کی منظوری کے بغیر کی گئی، جس سے نہ صرف خطے میں کشیدگی بڑھے گی بلکہ بیرون ملک موجود امریکی شہریوں اور فوجیوں کی سلامتی کو بھی خطرات لاحق ہو سکتے ہیں۔

ایڈورڈ مارکی کے مطابق ایران کے جوہری خطرے کو بڑھا چڑھا کر پیش کیا گیا، جبکہ امریکی وزیر خارجہ مارکو روبیو خود اعتراف کر چکے ہیں کہ ایران یورینیم افزودگی نہیں کر رہا۔

انہوں نے زور دیا کہ جنگ کے بجائے سفارتی حل اب بھی ممکن ہے اور اگر فوجی کارروائیاں نہ روکی گئیں تو کانگریس کو مداخلت کرنا ہوگی۔