ابوظہبی میں ایرانی میزائل حملے کے دوران پاکستانی شہری جاں بحق

ابوظہبی: متحدہ عرب امارات کے دارالحکومت ابوظہبی میں میزائل حملے کے نتیجے میں ایک پاکستانی شہری جاں بحق ہوگیا۔

عرب میڈیا رپورٹس کے مطابق شہری کی ہلاکت میزائل کے ٹکڑے لگنے سے ہوئی تاہم تاحال اس کی شناخت ظاہر نہیں کی گئی۔

پاکستانی سفارتی حکام نے واقعے کی تصدیق کرتے ہوئے بتایا کہ وہ معاملے کی تفصیلات جاننے کے لیے اماراتی حکام سے مسلسل رابطے میں ہیں۔

دوسری جانب متحدہ عرب امارات کی حکومت نے واقعے پر افسوس کا اظہار کرتے ہوئے جاں بحق پاکستانی شہری کے اہلِ خانہ سے تعزیت کی اور شہری آبادی کو نشانہ بنانے کے عمل کی مذمت کی۔