پوپ لیو کی ہدایت: پادریوں کو خطبات میں اے آئی کے استعمال سے گریز کرنا چاہیے

news-banner

تازہ ترین - 02 مارچ 2026

مسیحیوں کے روحانی پیشوا پوپ لیو نے کیتھولک پادریوں کو اپنے خطبات لکھنے کے لیے مصنوعی ذہانت (AI) استعمال کرنے سے اجتناب کرنے کی ہدایت دی ہے۔

 

شیکاگو میں پیدا ہونے والے پوپ لیو، جو امریکا سے تعلق رکھنے والے پہلے مسیحی پیشوا ہیں، نے پادریوں سے کہا کہ وہ اپنا دماغ اور سوچ استعمال کریں نہ کہ AI پر انحصار کریں۔ 

 

یہ ریمارکس 19 فروری کو روم کے ڈایوسیس کے کلرجی کے ساتھ ایک بند کمرہ میٹنگ میں دیے گئے۔

 

میٹنگ کی تفصیلات اگلے دن سامنے آئیں اور Vatican News میں رپورٹ کی گئیں۔ 

 

اجلاس کے دوران پوپ نے کہا کہ وعظ دینا دراصل ایمان بانٹنے کا نام ہے اور مصنوعی ذہانت کبھی بھی اس کام کو حقیقی معنوں میں انجام نہیں دے سکتی۔