کمر درد سے نجات کے لیے کس پوزیشن میں سونا سب سے بہتر ہے؟

صحت مند زندگی کے لیے رات بھر پرسکون اور اچھی نیند خوراک کے برابر اہم ہے۔

 نیند جسم اور دماغ کو فعال رکھتی ہے، ہارمونز کا توازن بہتر کرتی ہے، مدافعتی نظام مضبوط بناتی ہے اور ذہنی صلاحیتوں کو بڑھاتی ہے۔

ماہرین نے خبردار کیا ہے کہ غلط پوزیشن میں سونا کمر درد اور پٹھوں میں تناؤ پیدا کر سکتا ہے۔

 پیٹ کے بل سونے سے گردن اور ریڑھ کی ہڈی پر دباؤ پڑتا ہے، جبکہ پیٹھ کے بل سونا جسم کے وزن کو یکساں طور پر تقسیم کرتا ہے اور دباؤ کم کرتا ہے۔

کروٹ پر سونا بھی فائدہ مند ہے، خاص طور پر اگر گھٹنوں کے درمیان تکیہ رکھا جائے، تو کمر اور کولہوں پر دباؤ کم ہوتا ہے۔ 

کچھ ماہرین تجویز کرتے ہیں کہ ٹانگوں کو ہلکا سا موڑ کر سونا ریڑھ کی ہڈی کے لیے بہترین ہے۔

گدے اور تکیے کا انتخاب بھی اہم ہے: پتلے تکیے پیٹھ کے بل سونے والوں کے لیے، جبکہ موٹے تکیے کروٹ پر سونے والوں کے لیے بہتر ہیں۔

ماہرین نے سونے اور جاگنے کا وقت روزانہ ایک ہی رکھنے، پرسکون ماحول بنانے، نیلی روشنی سے بچنے اور ہلکی سرگرمیاں کرنے کا مشورہ بھی دیا ہے۔

صحیح سونے کی پوزیشن اور صحت مند عادات کمر درد سے نجات میں مددگار ہو سکتی ہیں۔