ٹی ٹوئنٹی عالمی کپ 2026 کے ریکارڈ ساز اعداد و شمار

ٹی ٹوئنٹی عالمی کپ 2026 اپنے اختتام کو پہنچ گیا اور اس مقابلے میں کئی نئے ریکارڈ قائم ہوئے۔ 

احمد آباد کے نریندر مودی اسٹیڈیم میں کھیلے گئے آخری مقابلے میں بھارت نے نیوزی لینڈ کو شکست دے کر اعزاز کا کامیاب دفاع کیا۔

اس مرتبہ پہلی بار 20 ٹیموں نے حصہ لیا اور مجموعی طور پر 55 مقابلے کھیلے گئے۔

مقابلوں میں مجموعی طور پر 17 ہزار 582 رنز بنائے گئے جن میں 7 سنچریاں اور 86 نصف سنچریاں شامل تھیں، جبکہ 3 ہزار 270 رنز اننگز کے آخری تین اوورز میں بنائے گئے۔

ابتدائی چھ اوورز میں 5 ہزار 411 رنز بنے جبکہ آزاد گیند پر 101 رنز حاصل کیے گئے۔

اس ٹورنامنٹ میں 780 چھکے اور 1 ہزار 434 چوکے لگائے گئے، یوں مجموعی طور پر 10 ہزار 416 رنز حد پار ضربوں کے ذریعے حاصل ہوئے، جن میں 5 ہزار 736 رنز چوکوں اور 4 ہزار 680 رنز چھکوں سے بنے۔

پاکستان کے صاحبزادہ فرحان نے دو سنچریوں کی مدد سے 383 رنز بنا کر سب سے زیادہ رنز بنانے والے بلے باز کا اعزاز حاصل کیا اور وہ عالمی کپ کے ایک ہی مرحلے میں دو سنچریاں بنانے والے پہلے کھلاڑی بھی بن گئے۔

مقابلوں میں سب سے بڑی انفرادی اننگ کینیڈا کے یوراج سمرہ نے کھیلی جنہوں نے نیوزی لینڈ کے خلاف 110 رنز بنائے۔

ٹورنامنٹ میں 95 مرتبہ بلے باز بغیر کوئی رن بنائے آؤٹ ہوئے۔

گیند بازی کے شعبے میں مجموعی طور پر 12 ہزار 59 گیندیں کرائی گئیں جن میں 46 ناجائز گیندیں اور 429 حد سے باہر گیندیں بھی شامل تھیں۔

 ٹیموں نے 53 فیصد تیز گیند بازوں اور 47 فیصد گھومتی گیند کرنے والے گیند بازوں کو استعمال کیا۔

گیند بازوں نے مجموعی طور پر 14 بغیر رنز کے اوورز کروائے اور 699 کھلاڑیوں کو آؤٹ کیا۔

بھارت کے جسپریت بمراہ اور ورون چکرورتھی نے 14، 14 وکٹیں حاصل کر کے سب سے زیادہ وکٹیں لینے والوں میں سرفہرست رہے۔

ایک اننگ میں بہترین گیند بازی کا اعزاز ویسٹ انڈیز کے روماریو شیفرڈ کو ملا جنہوں نے اسکاٹ لینڈ کے خلاف 20 رنز دے کر 5 کھلاڑی آؤٹ کیے۔

فیلڈنگ میں 485 کیچ پکڑے گئے جبکہ 110 کیچ چھوڑ دیے گئے۔ 

اس کے علاوہ 123 بلے باز بولڈ، 32 ٹانگ کے سامنے وکٹ، 39 دوڑ کر آؤٹ جبکہ 20 دیگر طریقوں سے آؤٹ ہوئے۔