ملک میں آئی ٹی سیکٹر کی برآمدات میں20 فیصد اضافہ ریکارڈ

تازہ ترین - 17 مارچ 2026

کراچی: پاکستان میں آئی ٹی سیکٹر کی برآمدات میں اضافے کا رجحان برقرار ہے۔

اعداد و شمار کے مطابق فروری 2026 میں آئی ٹی برآمدات میں سالانہ بنیادوں پر 20 فیصد اضافہ جبکہ ماہانہ بنیاد پر 2 فیصد کمی ریکارڈ کی گئی۔

اس دوران آئی ٹی ایکسپورٹس کا حجم 36 کروڑ 50 لاکھ امریکی ڈالر رہا۔

رپورٹ کے مطابق رواں مالی سال کے ابتدائی 8 ماہ میں آئی ٹی برآمدات میں مجموعی طور پر 20 فیصد کا نمایاں اضافہ دیکھنے میں آیا ہے، جس کے بعد مجموعی حجم 2 ارب 98 کروڑ ڈالر تک پہنچ گیا ہے۔

مزید بتایا گیا کہ حکومت نے مالی سال 2026 کیلئے آئی ٹی برآمدات کا ہدف 5 ارب ڈالر مقرر کیا ہے، جبکہ مالی سال 2025 میں آئی ٹی ایکسپورٹس 3 ارب 80 کروڑ ڈالر رہی تھیں۔