سائنسدانوں نے گندھک اور میگما کے درمیان نیا سیارہ دریافت کر لیا

نیویارک: سائنسدانوں نے ایک منفرد اور حیرت انگیز سیارہ دریافت کیا ہے جس کا نام L 98-59 d رکھا گیا ہے، جو زمین سے تقریباً 35 نوری سال کے فاصلے پر ایک ستارے کے گرد گردش کر رہا ہے۔

اس سیارے کی سطح پر مسلسل میگما کا سمندر موجود ہے اور گندھک کے وافر ذخائر پائے جاتے ہیں۔ جدید ترین جیمز ویب سپیس ٹیلی سکوپ کے مشاہدات کے مطابق یہ سیارہ زمین سے تقریباً 1.6 گنا بڑا ہے اور اس کی فضا میں ہائیڈروجن سلفائیڈ کی بڑی مقدار موجود ہے، جو گندھک سے بھرپور ماحول کی نشاندہی کرتی ہے۔

اس سے قبل سائنسدان مختلف قیاسات کر رہے تھے: کچھ نے کہا کہ یہ گیس ڈوارف سیارہ ہو سکتا ہے جس کی بنیاد چٹانوں پر ہے اور ہائیڈروجن کا ماحول ہے، جبکہ دیگر نے یہ سوچا کہ یہ پانی سے بھرپور برفیلی دنیا ہے۔

 تازہ تحقیق نے ان تمام قیاسات کو مسترد کرتے ہوئے انکشاف کیا کہ یہ ایک بالکل نئی قسم کا سیارہ ہے، جہاں گندھک کے بھاری مالیکیولز غالب ہیں اور سطح پر میگما کا سمندر مسلسل موجود ہے۔

ماہرین کا کہنا ہے کہ اس دریافت سے نہ صرف سیاروں کی اقسام کے بارے میں ہماری سمجھ میں اضافہ ہوگا بلکہ کائنات میں موجود عجیب و غریب دنیاوں پر مزید تحقیق کے دروازے بھی کھلیں گے۔