عینا آصف نے سینئر فنکاروں کے رویّوں سے متعلق حیران کن انکشافات کیے

ابھرتی ہوئی پاکستانی اداکارہ عینا آصف نے ڈرامہ انڈسٹری کے سینئر فنکاروں کے رویّوں سے متعلق چونکا دینے والے تجربات شیئر کیے۔

حال ہی میں اداکار عمران اشرف کے شو میں شرکت کے دوران عینا آصف نے بتایا کہ انہیں بڑے ناموں جیسے نعمان اعجاز اور سویرا ندیم کے ساتھ کام کرنے کا موقع ملا، لیکن بعض تجربات خوشگوار نہیں رہے۔

انہوں نے بغیر کسی کا نام لیے کہا کہ بعض سینئر فنکار نئے اداکاروں کے کام کو متاثر کرنے کی کوشش کرتے ہیں، اور بعض اوقات یہ رویّے جان بوجھ کر اختیار کیے جاتے ہیں جس سے نئے فنکاروں کا اعتماد مجروح ہوتا ہے۔

عینا نے بتایا کہ سیٹ پر کبھی غیر ضروری غصہ، اوور ری ایکشن اور مشکل رویّوں کا سامنا کرنا پڑتا ہے۔ 

بعض سینئر اداکار اہم مناظر کے دوران سیٹ چھوڑ جاتے یا توجہ کم کرنے کی کوشش کرتے تاکہ ان کا کام نمایاں نہ ہو۔

انہوں نے کہا کہ یہ رویّے عموماً وہ لوگ دکھاتے ہیں جو پہلے ہی انڈسٹری میں مضبوط مقام رکھتے ہیں، اور یہ تمام تجربات انہیں بطور فنکار مضبوط بنا رہے ہیں۔