عثمان پیرزادہ کو کاسمیٹک سرجری کروانے کی پیشکش، اداکار نے انکار کر دیا

پاکستانی سینئر اداکار عثمان پیرزادہ نے انکشاف کیا ہے کہ انہیں حال ہی میں کاسمیٹک سرجری کروانے کی پیشکش کی گئی۔

پوڈکاسٹ میں مہمان کے طور پر گفتگو کرتے ہوئے انہوں نے بتایا کہ انہوں نے آج تک اپنے چہرے پر کچھ نہیں کروایا اور صرف گلیسرین صابن سے منہ دھوتے ہیں۔ 

تاہم گردن پر جھریاں آنے کی وجہ سے دوست نے کاسمیٹک سرجری کروانے کی تجویز دی، جسے انہوں نے مسترد کر دیا۔

عثمان پیرزادہ نے کہا کہ کاسمیٹک سرجری کے بعد اکثر خوفناک یا جمے ہوئے تاثرات نظر آتے ہیں، اس لیے وہ یہ قدم نہیں اٹھا سکتے۔ 

انہوں نے شوبز میں خوبصورتی اور فٹنس کے لیے اچھی خوراک اور ورزش کی اہمیت پر زور دیا۔

اداکار نے مزید کہا کہ وہ 75 سال کے ہو چکے ہیں اور عمر کے لحاظ سے بالکل ٹھیک نظر آ رہے ہیں، اس کا سہرا ان کی بچپن سے دودھ پینے کی عادت اور صحت مند طرزِ زندگی کو جاتا ہے۔