امریکی صدر ٹرمپ کی تقریر کے بعد خام تیل کی قیمت میں اضافہ

امریکی صدر ڈونلڈ ٹرمپ کی تقریر کے بعد عالمی منڈی میں خام تیل کی قیمتوں میں نمایاں اضافہ دیکھنے میں آیا۔

 بی بی سی کے بزنس رپورٹر پیٹر ہاسکنز کے مطابق سرمایہ کار مطمئن نہیں ہیں کہ آبنائے ہرمز میں شپنگ کے مسائل جلد حل ہو جائیں گے۔

تقریب سے پہلے برینٹ کروڈ خام تیل تقریباً 100 ڈالر فی بیرل پر ٹریڈ کر رہا تھا۔ خطاب کے دوران قیمتوں میں اتار چڑھاؤ آیا، لیکن اب چار فیصد اضافے کے ساتھ یہ 105.38 ڈالر فی بیرل تک پہنچ گئی ہے۔

آبنائے ہرمز عالمی توانائی کی ترسیل کے لیے نہایت اہم راستہ ہے، جہاں دنیا کے تقریباً 20 فیصد تیل کا گزر ہوتا ہے۔

 یہ راستہ 28 فروری سے جزوی طور پر بند ہے، جب ایران نے امریکی اور اسرائیلی فضائی حملوں کے جواب میں جہازوں کو نشانہ بنانے کی دھمکی دی۔

دوسری جانب، امریکی اسٹاک فیوچرز گر رہے ہیں، جو وال سٹریٹ پر کمزور آغاز کی نشاندہی کرتا ہے۔

 ڈاؤ جونز اور ایس اینڈ پی 500 کے فیوچرز تقریباً 0.7 فیصد نیچے ہیں، جبکہ نیسڈیک کے فیوچرز تقریباً ایک فیصد کم ہو گئے ہیں۔