عمران خان نے رنبیر کپور سے اختلافات کی افواہوں کی وضاحت کر دی

بالی ووڈ اداکار عمران خان نے اپنے کیریئر کے ابتدائی دنوں میں رنبیر کپور سے ہونے والے موازنوں پر کھل کر بات کی ہے۔

ایک حالیہ انٹرویو میں عمران خان نے فلم انڈسٹری میں مقابلے کے تصور کو مسترد کرتے ہوئے کہا کہ وہ کبھی بھی سینما کو مسابقتی میدان نہیں سمجھتے اور تخلیقی کام کو مقابلے میں بدلنا فن کے ساتھ انصاف نہیں۔

انہوں نے کہا کہ ہر ناظر کا تجربہ مختلف ہوتا ہے—کوئی فلم کسی کو جذباتی طور پر متاثر کرتی ہے جبکہ کسی کو نہیں، اور یہ بالکل فطری بات ہے۔ 

فلموں کو صرف نمبرز یا باکس آفس کی کامیابی سے ناپنا درست نہیں۔

رنبیر کپور کے ساتھ مبینہ اختلافات کی خبروں پر وضاحت دیتے ہوئے عمران خان نے کہا کہ یہ سب میڈیا کی بنائی ہوئی کہانیاں تھیں اور حقیقت میں ان کے درمیان کوئی ذاتی تنازع نہیں تھا۔

اگرچہ دونوں ایک ہی دور میں انڈسٹری میں آئے اور عمر میں قریب تھے، لیکن زیادہ ملاقاتیں نہیں رہیں اور وہ صرف نئے اداکاروں کے طور پر ایک دوسرے کو جانتے تھے۔