مشتری پر کڑکنے والی بجلی زمین سے 100 گنا زیادہ طاقتور، ماہرین

ماہرین کا کہنا ہے کہ مشتری پر بجلی زمین کے مقابلے میں کہیں زیادہ طاقتور ہے، کچھ اندازوں کے مطابق یہ زمین کی بجلی سے تقریباً 100 گنا زیادہ توانائی رکھتی ہے۔

مشتری پر بجلی کی شدت کی کئی وجوہات ہیں۔ مشتری نظامِ شمسی کا سب سے بڑا سیارہ ہے، اس کے طوفان بہت بڑے ہوتے ہیں، اور صدیوں پرانے Great Red Spot جیسے طوفان شدید برقی سرگرمی پیدا کرتے ہیں۔ 

مشتری کی فضا بنیادی طور پر ہائیڈروجن اور ہیلیم پر مشتمل ہے، جو زیادہ طاقتور بجلی کا سبب بنتی ہے۔

ناسا کے جونو مشن نے مشتری کے گرد گردش کرتے ہوئے شاندار اور توانائی سے بھرپور بجلی کے فلیشز ریکارڈ کیے۔ 

سائنسدانوں کے مطابق یہاں بجلی زیادہ اونچائی پر بنتی ہے، زمین کے مقابلے میں زیادہ دیر تک قائم رہتی ہے، اور زیادہ چمکدار ہوتی ہے۔

زمین پر بجلی عموماً بادلوں اور زمین یا بادلوں کے اندر پیدا ہوتی ہے، جبکہ مشتری پر یہ گہرائی میں بنتی ہے اور اس کی شدت اور چمک کہیں زیادہ ہوتی ہے۔ 

یہ مشاہدات ماہرین کو گیس کے دیو سیاروں پر شدید موسمی حالات اور برقی مظاہر کو سمجھنے میں مدد دیتے ہیں۔