شادی سے پہلے وزن کم کرنے والے انجیکشنز خطرناک ہو سکتے ہیں: ماہرین کی وارننگ

شادی کی تقریبات سے پہلے تیزی سے وزن کم کرنے کے لیے سیماگلوٹائڈ اور ٹیرزیپاٹائڈ جیسے انجیکشنز کا استعمال بڑھ رہا ہے، مگر ماہرین صحت نے خبردار کیا ہے کہ یہ ادویات صرف طبی ضرورت کے لیے ہیں، خوبصورتی یا عارضی مقصد کے لیے استعمال مناسب نہیں۔

یہ انجیکشنز GLP-1 ہارمون کی نقل کرتے ہیں، جس سے بلڈ شوگر، بھوک اور نظامِ ہاضمہ کنٹرول ہوتا ہے، انسولین کی مقدار بڑھتی ہے، معدہ آہستہ خالی ہوتا ہے اور وزن کم ہوتا ہے۔ 

ابتدائی اثرات میں متلی، قے، اسہال، قبض، تھکن اور بھوک میں کمی عام ہیں، جبکہ ‘اوزیمپک فیس’ اور عارضی بالوں کا جھڑنا بھی دیکھنے کو مل سکتا ہے۔ 

بعض کیسز میں لبلبے کی سوزش، پتھری اور شدید معدے کے مسائل بھی سامنے آ سکتے ہیں۔

طویل مدتی اثرات میں وزن دوبارہ بڑھنے کا خطرہ، پٹھوں اور ہڈیوں کی کمزوری اور دیرپا ہاضمے کے مسائل شامل ہیں۔ 

ماہرین کا مشورہ ہے کہ وزن کم کرنے کے لیے متوازن غذا، ورزش، مناسب نیند اور طبی نگرانی کے تحت منصوبہ بندی سب سے محفوظ اور دیرپا طریقہ ہے۔