بر وقت علاج نہ ہونے کے باعث بانی کی آنکھ 85 فیصد خراب ہوئی، علیمہ خان

پاکستان - 14 اپریل 2026

بانی پی ٹی آئی عمران خان کی بہن علیمہ خان نے کہا ہے کہ بر وقت درست علاج اور درست جگہ نہ ہونے کے باعث بانی کی آنکھ 85 فیصد خراب ہوئی۔

اڈیالا جیل کے قریب فیکٹری ناکے پر میڈیا سے گفتگو کرتے ہوئے علیمہ خان کا کہنا تھا کہ بانی نے سلمان صفدر کو بتایا ہے ان کی آنکھ میں پہلا ٹیکا لگنے کے بعد بہتری آئی تھی۔

انہوں نے کہا کہ بانی پی ٹی آئی کی آنکھ کی انڈرلائن کنڈیشن جاننا ضروری ہے، جب تک تشخیص نہیں ہوگی معلوم نہیں ہوگا کہ خرابی کیوں ہوئی۔

علیمہ خان کا کہنا تھا کہ ہم پر جھوٹے مقدمات درج کیے جا رہے ہیں، ہمیں کہا گیا جیل کے داخلی دروازے سے ہٹ جائیں۔