جنگ بندی خلاف ورزی کا فیصلہ کن جواب دینے کیلئےتیار ہیں۔ جنرل عبداللہی

ایرانی فوج کی مشترکہ کمان خاتم الانبیاء ہیڈکوارٹر کے سربراہ جنرل عبداللہی کا کہنا ہے کہ جنگ بندی کی خلاف ورزی کا فیصلہ کن جواب دینے کے لیے تیار ہیں۔ 

ایرانی خبر ایجنسی کے مطابق جنرل عبداللہی نے کہا ہے کہ ایران ناصرف عسکری میدان میں برتری رکھتا ہے بلکہ آبنائے ہرمز کے انتظام پر بھی اس کا کنٹرول مضبوط ہے۔ 

انہوں نے مزید کہا کہ ایران امریکی صدر کو زمینی صورت حال کے بارے میں غلط بیانیہ بنانے کی اجازت نہیں دے گا۔

 دوسری جانب ایرانی عدلیہ کے سربراہ غلام حسین محسنی نے کہا ہے کہ امریکا کی جانب سے دوبارہ حملوں کا امکان نظر انداز نہیں کیا جاسکتا۔ غلام حسین محسنی کا کہنا ہے کہ ایران کو ہر صورتِ حال کے لیے مکمل طور پر تیار رہنا چاہیے۔