بیرونِ ملک مقیم اسرائیلی ووٹرز کی واپسی، نیتن یاہو حکومت کو چیلنج

اسرائیل میں 2026 کے انتخابات وزیراعظم بنیامین نیتن یاہو کی حکومت کے لیے اہم چیلنج بن گئے ہیں۔ 

ذرائع ابلاغ کی رپورٹس کے مطابق بیرونِ ملک مقیم ہزاروں اسرائیلی شہری ووٹ ڈالنے کے لیے وطن واپس پہنچ رہے ہیں۔

رپورٹس کے مطابق امریکا اور یورپ سے تقریباً 67 ہزار اسرائیلی شہری انتخابات میں حصہ لینے کے لیے اسرائیل آئے ہیں۔ 

سخت انتخابی مقابلے میں ان ووٹوں کو اہم قرار دیا جا رہا ہے۔

رپورٹس کے مطابق حکومت کی تبدیلی کے خواہش مند کئی ووٹرز ملک کے لیے نئی سمت چاہتے ہیں۔ 

ذرائع ابلاغ سے گفتگو کرتے ہوئے بعض ووٹرز نے دو دہائیوں سے جاری حکومتی تسلسل اور غزہ جنگ سے متعلق حکومتی پالیسیوں پر عدم اطمینان کا اظہار کیا۔

بیرونِ ملک مقیم ووٹرز کی آمد نے اسرائیل کے سیاسی مستقبل اور انتخابی نتائج پر ان کے ممکنہ اثرات کو نمایاں کر دیا ہے۔