وزیر اعظم شہباز شریف: "پاکستان کٹھن مرحلے سے گزر رہا ہے، سیلاب متاثرین کو ہر ممکن ریلیف دیا جائے"

news-banner

پاکستان - 19 اگست 2025

وزیر اعظم شہباز شریف نے کہا ہے کہ حالیہ بارشوں اور سیلاب نے ملک کے مختلف حصوں میں بھاری جانی و مالی نقصان پہنچایا ہے اور پاکستان ایک مشکل دور سے گزر رہا ہے۔

 

انہوں نے بتایا کہ پاک فوج، ریسکیو ادارے اور فلاحی تنظیمیں خصوصاً الخدمت متاثرین کی مدد میں مصروف ہیں، جبکہ وفاقی وزرا بھی امدادی سرگرمیوں کی نگرانی کر رہے ہیں۔ وزیر اعظم نے ہدایت دی کہ آئندہ دس روز تک بجلی کی بلا تعطل فراہمی یقینی بنائی جائے تاکہ متاثرین کو مزید مشکلات کا سامنا نہ ہو۔

 

شہباز شریف نے اعلان کیا کہ وہ کل ذاتی طور پر متاثرہ علاقوں کا دورہ کر کے ریلیف آپریشنز کا جائزہ لیں گے۔ انہوں نے ریسکیو ٹیموں، فوج اور فلاحی اداروں کا شکریہ ادا کرتے ہوئے کہا کہ عوام کی خدمت میں سب پیش پیش ہیں۔