تابش ہاشمی کا بڑا پردے پر ڈیبیو، فہد مصطفیٰ اور ماہرہ خان کے ساتھ رومانوی کامیڈی فلم میں جلوہ گر

جیو ٹی وی کے مقبول کامیڈی شو ہنسنا منع ہے سے شہرت پانے والے میزبان تابش ہاشمی اب اپنے کیریئر میں نیا قدم رکھنے جا رہے ہیں۔ رپورٹس کے مطابق وہ پہلی بار بڑی اسکرین پر اداکاری کرتے نظر آئیں گے۔

سوشل میڈیا پیج گیلیکسی لالی ووڈ کے مطابق تابش ہاشمی ایک رومانوی کامیڈی فلم میں جلوہ گر ہوں گے جس میں ان کے ساتھ پاکستان کے سپر اسٹار فہد مصطفیٰ اور مقبول اداکارہ ماہرہ خان بھی شامل ہیں۔
 

فلم کی ہدایت کاری بلال عاطف خان کریں گے جبکہ پروڈکشن فہد مصطفیٰ کے بینر بگ بینگ انٹرٹینمنٹ کے تحت ہوگی۔
 

تابش ہاشمی نے 2023ء میں جیو کے شو ہنسنا منع ہے سے ٹی وی پر نیا سفر شروع کیا اور کم عرصے میں نوجوانوں میں خاصی مقبولیت حاصل کی۔
 

دوسری جانب مداحوں کے ردعمل میں یہ سوال اٹھایا جا رہا ہے کہ فلم میں ہانیہ عامر کو شامل کیوں نہیں کیا گیا، خاص طور پر جب فہد مصطفیٰ پہلے عندیہ دے چکے تھے کہ بگ بینگ انٹرٹینمنٹ کی پہلی فلم میں ہانیہ عامر کاسٹ ہوں گی۔ تاہم، ماہرہ خان کے مداح بے حد پُرجوش ہیں اور فلم کی مزید تفصیلات کا انتظار کر رہے ہیں۔