بلومبرگ رپورٹ: پاکستان دیوالیہ ہونے کے خدشات میں کمی لانے والے ممالک میں دنیا میں دوسرے نمبر پر

پاکستان ان چند ممالک میں شامل ہے جنہوں نے دیوالیہ ہونے کے خدشات میں خاطر خواہ کمی دکھائی ہے، اور بلوم برگ کے تازہ اعداد و شمار کے مطابق پاکستان کی یہ کارکردگی دنیا کی ابھرتی ہوئی معیشتوں میں دوسرے نمبر پر رہی ہے۔ صرف ترکیہ ہی پاکستان سے آگے ہے۔

رپورٹ کے مطابق، گزشتہ 15 ماہ (جون 2024 سے ستمبر 2025 تک) میں پاکستان کے دیوالیہ ہونے کے امکانات میں 2200 پوائنٹس کی نمایاں بہتری آئی ہے، جو پاکستان کی پائیدار معاشی بہتری کا واضح ثبوت ہے۔

یہ بہتری اس بات کی علامت ہے کہ سرمایہ کاروں کا پاکستان پر اعتماد بحال ہو رہا ہے۔ دوسری جانب، جنوبی افریقہ، ایل سلواڈور جیسے ممالک میں بہتری بہت کم رہی جبکہ مصر، نائیجیریا اور ارجنٹائن جیسے ممالک میں دیوالیہ ہونے کے خطرات مزید بڑھ گئے ہیں۔