پاکستان بمقابلہ جنوبی افریقہ سیریز ، ٹکٹس کی فروخت آج سے شروع

لاہور: پاکستان اور جنوبی افریقہ کے درمیان ہونے والی ٹیسٹ، ون ڈے اور ٹی ٹوئنٹی سیریز کے ٹکٹس آج سے فروخت کے لیے دستیاب ہوں گے۔

تفصیلات کے مطابق، آن لائن ٹکٹس آج شام 5 بجے سے پی سی بی (PCB) کی آفیشل ویب سائٹ پر دستیاب ہوں گے۔

لاہور اور راولپنڈی میں ہونے والے ٹیسٹ میچز کے لیے جنرل، فرسٹ کلاس، پریمیئم اور وی آئی پی انکلوژرز میں فری داخلہ ہوگا۔

ان میچز کے فزیکل ٹکٹس 8 اکتوبر سے ٹی سی ایس ایکسپریس مراکز پر دستیاب ہوں گے۔

ٹی ٹوئنٹی انٹرنیشنل اور ون ڈے انٹرنیشنل سیریز کے ٹکٹس 16 اکتوبر سے فروخت کیے جائیں گے، جبکہ ایک شناختی کارڈ پر زیادہ سے زیادہ 5 ٹکٹس خریدی جا سکیں گی۔

ٹی ٹوئنٹی میچز کے لیے کم از کم ٹکٹ کی قیمت 400 روپے مقرر کی گئی ہے۔

فیصل آباد میں تین ون ڈے انٹرنیشنل میچز 4، 6 اور 8 نومبر کو کھیلے جائیں گے۔
 

فیصل آباد میں جنرل انکلوژر کے ٹکٹس 400 روپے سے شروع ہوں گے جبکہ وی آئی پی ٹکٹس کی قیمت 3,000 روپے ہوگی۔