جنوبی افریقی ٹیسٹ ٹیم لاہور پہنچ گئی، دو میچوں کی سیریز 12 اکتوبر سے شروع ہوگی

news-banner

کھیل - 08 اکتوبر 2025

جنوبی افریقہ کی ٹیسٹ کرکٹ ٹیم پاکستان کے دورے پر لاہور پہنچ گئی ہے۔ پروٹیز اسکواڈ نجی پرواز کے ذریعے علامہ اقبال انٹرنیشنل ایئرپورٹ پہنچا، جہاں سے ٹیم کو سخت سیکیورٹی میں مقامی ہوٹل منتقل کیا گیا۔

 

ایڈن مارکرم کی قیادت میں آنے والی جنوبی افریقی ٹیم پاکستان کے خلاف دو ٹیسٹ میچز کھیلے گی۔
 

سیریز کا پہلا ٹیسٹ 12 اکتوبر کو قذافی اسٹیڈیم لاہور میں جبکہ دوسرا ٹیسٹ 20 اکتوبر کو راولپنڈی کرکٹ اسٹیڈیم میں شیڈول ہے۔

 

پروٹیز اسکواڈ میں کپتان ایڈن مارکرم کے علاوہ کگیسو ربادہ، ویان ملڈر، زبیر حمزہ، ڈیوڈ بیڈنگھم اور کاربن باسچ سمیت دیگر کھلاڑی اور سپورٹنگ اسٹاف شامل ہیں۔