آئی سی سی نے ستمبر کے ویمنز اور مینز پلیئر آف دی منتھ کی نامزدگیاں جاری کردیں

انٹرنیشنل کرکٹ کونسل (آئی سی سی) نے ستمبر 2025 کے ویمنز پلیئر آف دی منتھ کے لیے تین کھلاڑیوں کے ناموں کا اعلان کردیا ہے۔

نامزدگیوں میں پاکستان کی سدرہ امین، بھارت کی سمرتی مندھانا اور جنوبی افریقہ کی تزمین برٹس شامل ہیں۔

بھارتی اوپنر سمرتی مندھانا نے آسٹریلیا کے خلاف ہوم ون ڈے سیریز میں شاندار بیٹنگ کرتے ہوئے سیریز کی بہترین کھلاڑی کا اعزاز حاصل کیا۔
 

دوسری جانب سدرہ امین اور تزمین برٹس نے پاک-جنوبی افریقہ ون ڈے سیریز میں متاثرکن کارکردگی کا مظاہرہ کیا۔

اسی طرح مینز پلیئر آف دی منتھ کے لیے بھی تین کھلاڑیوں کو نامزد کیا گیا ہے جن میں بھارت کے ابھیشیک شرما، کلدیپ یادیو اور زمبابوے کے برائن بینیٹ شامل ہیں۔
 

ابھیشیک شرما اور کلدیپ یادیو کو ایشیا کپ میں شاندار کارکردگی کی بنیاد پر جبکہ برائن بینیٹ کو گزشتہ 9 ٹی ٹوئنٹی میچز میں 55.22 کی اوسط سے 497 رنز بنانے پر نامزد کیا گیا ہے۔