وزیراعظم شہباز شریف کی زیر صدارت نجکاری منصوبے پر اہم اجلاس، غیر فعال اداروں کی نجکاری جلد مکمل کرنے کی ہدایت

وزیراعظم محمد شہباز شریف کی زیر صدارت آج اسلام آباد میں مجوزہ سرکاری اداروں کی نجکاری کے حوالے سے ایک اہم جائزہ اجلاس منعقد ہوا۔ اجلاس میں 24 میں سے 15 اداروں کی نجکاری سے متعلق پیش رفت پر تفصیلی بریفنگ دی گئی۔

وزیراعظم نے ہدایت دی کہ نجکاری کے عمل میں قومی مفاد، شفافیت اور اداروں کی پیشہ ورانہ استعداد میں بہتری کو ترجیح دی جائے۔

 انہوں نے کہا کہ قومی خزانے پر بوجھ بننے والے اور غیر فعال سرکاری اداروں کی نجکاری کو غیر ضروری پیچیدگیوں اور تاخیر سے بچاتے ہوئے جلد از جلد مکمل کیا جائے۔

شہباز شریف نے اس عمل کو شفاف اور نتیجہ خیز بنانے کے لیے کئی اہم ہدایات جاری کیں، جن میں شامل ہیں:

• نجکاری کے عمل کے لیے عالمی شہرت یافتہ ماہرین کی خدمات حاصل کی جائیں۔
•  
• اداروں کی اندرونی استعداد کار بڑھانے کے لیے جامع اور مؤثر حکمت عملی اپنائی جائے۔
•  
• ہر ادارے کے لیے بہترین ممکنہ معاہدہ یقینی بنایا جائے۔
•  
• انتظامی تاخیر اور سرخ فیتے کو کسی صورت برداشت نہیں کیا جائے۔
•  

وزیراعظم نے واضح کیا کہ وہ خود نجکاری کے عمل کی براہ راست نگرانی کریں گے اور اس پر پیش رفت کا باقاعدہ جائزہ لیں گے۔

اجلاس میں وفاقی وزیر برائے اقتصادی امور احد خان چیمہ، وفاقی وزیر توانائی سردار اویس احمد لغاری، وزیر مملکت برائے خزانہ بلال اظہر کیانی سمیت متعلقہ محکموں کے سینئر افسران نے شرکت کی۔