کاروبار - 13 اکتوبر 2025
علیمہ خان پر 26 نومبر احتجاج کیس میں فردِ جرم عائد کرنے کی کارروائی 14 اکتوبر تک ملتوی

پاکستان - 13 اکتوبر 2025
راولپنڈی کی انسدادِ دہشت گردی کی خصوصی عدالت نے 26 نومبر احتجاج کیس میں علیمہ خان پر فردِ جرم عائد کرنے کی کارروائی ایک روز کے لیے ملتوی کر دی ہے۔
عدالت نے علیمہ خان کی ایک دن کی حاضری معافی کی درخواست منظور کرتے ہوئے سماعت کو کل منگل، 14 اکتوبر تک مؤخر کر دیا۔
سماعت کے دوران ملزم عاطف ریاض عدالت میں پیش ہوئے، جس پر ان کے وارنٹ گرفتاری منسوخ کر دیے گئے۔ عدالت نے علیمہ خان سمیت تمام ملزمان کو نوٹس جاری کرتے ہوئے کل طلب کر لیا ہے۔
انسدادِ دہشت گردی کی عدالت کے جج مجد علی شاہ نے حکم دیا کہ کل باضابطہ طور پر تمام ملزمان پر فردِ جرم عائد کی جائے گی۔