کیڈٹ کالج وانا حملہ افغان سرپرستی میں، دہشت گرد افغان شہری، بھارتی ایجنسی را ملوث

سکیورٹی ذرائع کے مطابق کیڈٹ کالج وانا پر حملے کی منصوبہ بندی افغانستان میں ہوئی اور تمام حملہ آور افغان شہری تھے۔ حملے کو پایہ تکمیل تک پہنچانے کا حتمی حکم خارجی نورولی محسود نے دیا، اور دہشت گرد دوران کارروائی افغانستان سے ملنے والی ہدایات پر عمل کرتے رہے۔

ذرائع کے مطابق حملے کی منصوبہ بندی خارجی زاہد نے کی اور خارجی نورولی محسود کے حکم پر ذمہ داری جیش الہند کے نام قبول کی گئی تاکہ فتنہ الخوارج پر دباؤ کم ہو۔ حملے کی ویڈیو میں بھی بار بار جیش الہند کا نام لیا گیا تاکہ اصل شناخت چھپائی جا سکے۔

 تمام سازوسامان افغانستان سے فراہم کیا گیا، جس میں امریکی ساختہ ہتھیار بھی شامل تھے۔

سکیورٹی ذرائع نے مزید کہا کہ افغان طالبان فتنہ الخوارج پر دباؤ ڈالتے ہیں کہ وہ اپنی اصل شناخت ظاہر نہ کریں کیونکہ اس پر پاکستان اور دوست ممالک کی نگرانی بڑھ جاتی ہے۔

 حملے کا مقصد پاکستان میں سکیورٹی خدشات بڑھانا تھا، جو بھارتی ایجنسی را کی ڈیمانڈ پر کیا گیا، اور مارے گئے افغان دہشت گردوں کی شناخت نے تمام شبہات دور کر دیے ہیں۔